O, munti kong kaibigan
Lubos na ang iyong kasikatan
Sa eskuwelaha’y tinitilian
Dinudumog ng mga kababaihan
Ang taglay mong kariktan
Ito ba ang dahilan?
Pinapangarap ka ng iilan
Tunay ka nilang kinababaliwan
Sa iyong paglakad, sila’y napahihinto
Sa iyong pagngiti, sila’y napatitingin
Sa iyong pagtawa, sila’y nalulugod
At sa iyong pagkaway, sila’y kinikilig
Ang iyong larawa’y pinagpapantasyahan
Kanilang isipa’t panaginip, ikaw ang laging laman
Paksa ka ng kanilang kuwentuhan
O, labis ka nilang hinahangaan
Ano nga bang hiwaga ang iyong dala?
Kaibigan ikaw ba’y may mahika?
Sila’y nahuhumaling sa iyong ganda
Ikaw na ang kahilingan nila
*Yung reaction nung ibang GIRLS at BEKI doon sa mga kakilala’t kaibigan kong sumali sa search yung nag-inspire at nagpapasakit ng tyan ko sa sobrang tawa! Para kasing mga artista yung turing nila sa mga kaibigan at kakilala ko tapos kami parang wala lang pakialam. LOL